講下himhim同細佬既感情先
其實,哥哥都仲係唔多鐘意細佬, 一來哥哥唔識同細佬玩啦,而himhim絕對唔會主睇下細佬,佢仲覺得細佬是來爭寵,而家成日講打細佬前,打細佬後
例子1:
老公放工返來話: 抱下細佬先
Him Him: 唔得, 抱我呀
老公: 抱細佬先啦
Him Him: 喊左出來
例子2:
我湊緊細佬
Him Him: 媽咪唔好湊細佬啦,陪我玩
例子3:
我話: 你再唔食飯, 我唔帶你出街,我帶細佬去
Him Him: 打細佬…(有時佢真係行左過去打佢)
例子4:
當him him好拽既時候,我就讚細佬乖
Him Him: 打細佬
例子5:
細佬係度玩搖鈴
Him him一手拿左去,唔比細佬,但係件玩具佢都唔會有興趣玩
例子6:
有時細佬隻手亂打到我, 佢就好大力捉開細佬隻手
例子7:
我叫佢鍚啖細佬,佢扮聽唔到,走開去
例子8:
我話等細佬大d一齊玩
Him Him: 唔一齊玩
例子9:
我: 兩兄弟影張相啦
Him Him: 吾同細佬影, 影我….跟住就企係前面擋住細佬
例子10: 我抱住細佬係梳化,我話細佬望住你坐車
Him him: 我唔俾細佬望, 跟住走左去啦
例子11: 最慘就係呢個啦
Him him: 我要擲細佬出街
我: 點擲? (我唔應該問呢個問題)
Him him: 做動作…就是抱起細佬向窗口擲
我: 好痛喎,會無左細佬
Him him: 好呀
真是真是激c我啦
我真係唔知點樣哥哥先會錫細佬,同佢解釋過係兄弟來呀,可能大個d,多d互動一齊玩,希望會好小小啦。我好多時都會理左哥哥先,細佬好多時都放左後搖搖椅推下佢就算,做細真是唔著數啦。
真係好奇怪...身邊不少親戚都最少2件~真係好少聽到小朋友對另一個小朋友(bb)會有咁強烈反應....@__@"
回覆刪除真是好強烈呀,等佢大大下慢慢接受啦
刪除O.. 哥哥妒忌心咁強? 嘗試多D 以哥哥先吧! 俾佢知道你地錫佢多D, 佢應該會好D
回覆刪除我都讚成Fanny 的提議！或者，買一件哥哥喜欢的玩具，話係细佬送的，話细佬好錫哥哥架！？
刪除有家...而家咩都以哥哥為先,返到去第一個實叫佢同鍚佢先呀!
刪除已經代細佬送左架大車比佢玩啦...可能要大小小先能明白啦!
噢，「例子5: 細佬係度玩搖鈴 ：Him him一手拿左去,唔比細佬,但係件玩具佢都唔會有興趣玩 」...巨龍堂兄依家成日都咁，巨龍玩咩佢就去搶....><"
回覆刪除係呀,搶完又放低唔玩,擺明就係唔俾佢玩!
刪除我有少少意見，希望要唔好介意我講，
回覆刪除例子2:
我湊緊細佬
Him Him: 媽咪唔好湊細佬啦,陪我玩
@@ 要好有耐心同佢講唔可以，因為細佬係BB，可以嘗試叫佢一齊幫手，求其叫佢拎吓紗巾之類，等佢覺得照顧細佬自己都有份！記得稱讚佢喎。如果佢肯幫手，攪亂檔都好，唔好話佢，要當講笑話整跌哂啲野喇。。
例子3:
我話: 你再唔食飯, 我唔帶你出街,我帶細佬去
@@
咁講只會令佢仲唔鍾意細佬。。。佢應該淨係聽到入耳嘅係 " 你帶細佬，唔帶佢"佢已經唔會諗咩原因
例子4:
當him him好拽既時候,我就讚細佬乖
@@ 唔好咁直接比較，可以試吓講 "細佬乖, 不如你又好似咁乖"
我啱啱寫咗篇小檬與B be，你參考吓，個個小朋友性格唔同，要慢慢揣摩
以上係我小小意見，如果有唔啱，唔好見怪！
加油~
當然唔介意,就是想同其他媽媽分享下,睇下可以點攪!
刪除而家明白啦,其實我開頭是想做出正面激勵佢,等佢做好d,改善自己,,點知原來換來是更加多既妒忌,做成反效果! 我都唔應該將佢地做比較了,要上試下改下方法,而家唔好再係佢面前讚細佬先啦。
Yoko, 早上好！近來好嗎？呢排小高好懶呢 ~
回覆刪除um...其實我都覺得，盡可能話小朋友的時候不要另作比較，始終每個小朋友的都係獨立，如果因為一個不乖，大人就讚賞另一個或用來比較，當中的一位只會愈來愈不喜歡另一個他。
尤其himhim年紀還小，根本未識分什麼叫兄弟，相反o係呢個時候，父母應多關懷哥哥，讓他知道爸媽關心他，再慢慢教導他愛鍚細佬。
小高,明白了,而家唔好再將佢地比較,himhim只係越是反感。
刪除其實,好多時都錫左同照顧左哥哥先,細佬好多時放左係high chair自已玩,又覺得對細佬唔住。
其實或者吾好咁話'你吾乖，我同細佬玩'等等，可能佢就係覺得你地比哂所有attention所以吾中意and反感，或者叫哥哥幫下手，例如拎片片呀等，令佢覺得細佬係BB要照顧，哥哥係大個人要一齊幫手照顧BB。 希望哥哥快D錫錫細佬啦！
回覆刪除係啦,而家都唔同佢講負面野,成日同佢講細佬好錫你家,大個d識行可以一齊玩啦!
刪除wow, 哥哥真係唔多鍾意細佬咁~~~
回覆刪除你試下盡量做少d比較, 好似避免講哥哥曳, 細佬乖呢d, 因為佢本來對細佬印像已經唔好, 咁比較只會加強佢呢個感覺!!! 我諗試下抱細佬鍚下哥哥, 話細佬好鍾意哥哥之類, 講多d希望好d啦!!!
係呀,我都唔再把佢地做比較,唔再講邊個乖同曳...
刪除而家成日不斷同佢講細佬好鍚你,好想同你一齊玩呀,不過而家仲唔識,,同埋話今次去旅行都無帶細佬去,幾錫你呀!
希望哥哥慢慢會鐘意細佬啦!
Him Him 既反應又真係好大喎....
回覆刪除好似以上既朋友仔所講, 可以注意下自己既說話, 少一啲比較, 多一啲叫佢幫下手, 佢 "係咁二" 幫到少少都讚到佢不得了... 希望可以鼓勵到佢正面啲看待細路....
另外, 純純個人感覺.... 我覺得爸爸既角色可以加強番多少少, 感覺上爸爸好似唔多參與 (可能佢工作忙).... 但我覺得可以比啲role 爸爸, 例如帶下兩個小朋友玩下, 一齊睇下書... 你又可以relax 一陣.... 比自己既情緒可以渲洩... 咁先更有力量長期作戰.... 自己單打獨鬥, 好快攰架!!!!
是呀,老公近來都是比較忙,又有新project攪,工作有壓力,平日返到屋企都成11點啦,大個隻就訓左。星期六都會帶哥哥出街,細佬十成都係屋企姐姐湊。星期日姐姐休息,我地通常都係屋企休息下,帶兩件出街真係攪唔掂,哥哥食野好麻煩,又通處跑同攪,通常都是到樓下走走又一日。遲下要搬屋,又遇到阻滯,呢d就等老公煩啦!
刪除要搬屋呀??? 附近嗎???
刪除