不要開心得太早

退步 有時讚既野,真係唔好講得咁快….. 讚左亞囝頭兩個星期返學無喊,點知第3個星期返3小時..即刻唔習慣 第3個星期第一日,係學校賴左vv, 自個日起就話唔鐘意返學啦…… 可能係怕唔熟既人帶佢去vv,所以急都唔出聲….. 賴左 自個日佢就唔鐘意返學,問極佢都係答唔鐘意返學,唔鐘意老師,唔鐘意同學仔 姐姐講比我聽,去到學校門口, 佢就已經喊住拖住佢唔好放手…… 呢幾日都係咁,今日換衫佢見到校服都唔肯著呀,我同姐姐夾手夾腳同佢換衫拖佢出門口…..由出門口喊到上車 其實,我估最大問題就係佢唔識同小朋友玩,因為平時好小同小朋友玩,去到公園我成日鼓勵佢交朋友,佢都唔肯,有次有個小朋友拖下佢,佢都會喊,返到學校見到咁多小朋友一齊,應該最唔適應呢點! 近來皮性又怪怪的, 就是要指定某人做某樣野……..唔熟既人唔可以埋到身, 就算成日見到99,佢都唔鍾意比佢抱,仲叫佢走。老師有日同打電話同我講,有日him him倒瀉左水,整濕左外套,老師同佢換,佢唔肯跟住就喊啦…. 希望亞囝可以快快適應過來啦,最希望可以同小朋友交流交流