自拍大肚照回顧

係37,38,39週既時候都叫老公同我出去影下相,留倩影,哈哈.............

如無意外真是兩個夠數,正式要封肚啦!而家回味下先.........

大肚照

之前影既大肚照,分享一下先 @week 32

回顧

仲記憶猶新就快手打埋blog先,而家係醫院仲得閒,出左院就一定忙c啦。
我37週就開始放產期，上胎38週頭就生左啦。

後期個個星期去私家覆診，37週時醫生話個胎未落到好低,似未咁快，38週照時都係話未落到好低，39週照時(星期一)時都係話未落到好低，因為我有假妊糖尿都吾建議我等咁耐，建議我星期四催生都足唒40週啦,我地約好左星期四入院催生，當時諗催生聽人講會痛d家，所以都好驚呀,又吾知係咪一定成功，醫生講8成沒有問題。

就在產檢個日同一個夜晚,吾知點解個晚衰囝係我肚入邊move得好勁,係入邊反轉再反轉我個肚。就在零晨四點我好似痛醒左,當時醒左個刻吾係好肯定,去個小便無異樣,上床再feel下先，同時叫醒老公話好似來料啦,作準備mode，跟住好似10—15分鐘就痛一次,個種痛有點似層相識,下腹啦住啦住子宮收縮咁,走佬袋一早執好左,最後double check有無漏野,再感覺到陣痛不是溜既,聽人講第二胎會生得好快所以吾敢抬慢,call定taxi走人啦。

好快手去到港安醫院大概5點鐘,辦下手續跟住入產房，個時已經5—10分鐘痛一次,個種痛是接受到既,姑娘檢查但是話子宮未開,心想咁大獲咪要痛好耐。

過多個半鐘已經3-5分鐘痛一次,越來越痛，個下痛既時間持續得越來越長,姑娘話開左兩度,心想得兩度查,,過左陣真係痛到頂吾住1到2分鐘痛一次啦，每次痛長成分鐘,我係咁深深吸氣 呼氣 老公在旁支持打氣一下,我再叫姑娘打支針, 支針真是wing wing地,打左無幾耐話開到7度，就說事遲那時快,笑氣都無聞姑娘再檢查就話差吾多生得啦。突然快左咁多既，太好啦。

其實大痛都係痛左半個鐘到,開始有急大便feel啦,醫生到埋穿水話一痛就push得啦。跟住push左幾下都未得，心想快d收工，出盡狗牛二虎之力盡地一谷呀，第六下推左個頭仔出來,出左個頭仔easy左好多啦，好快就聽到胸前既 baby瓜瓜喊聲，老公剪臍帶。

今次真是好lucky，由感覺到陣痛到生左都係3個半鐘內既事，真是發左場夢一樣。我覺得第一胎既陣痛是痛d，真係痛到條腰都痛埋,今次痛既程度小左又無腰痛再加埋陣痛時間短左,生第二胎既朋友吾洗驚啦。

新生命就這樣來臨 新挑戰快要開始
四人行生活正式開工

小寳貝出來啦

我家細細b順產平安出來啦
生產順利 重6.1磅 我收貨啦 易生d。
我絕認同生第二胎痛過第一胎 痛既程度差吾多。
而且陣痛既時間快一半
遲下寫得詳細d

一田感謝日

掃左幾套skincare
Clarin 支serum想買好耐啦
有set感覺抵好多

Update

好耐都無上來寫blog,真是唔太鐘意呢度既setting呀,可能太多花臣野(其實係我唔識用啦,哈哈)! 而家返多一星期工, 就開始放產假啦, 放前3後8啦, 其實好想前2後8, 不過都係唔好咁博啦!Take 埋AL就農歷新年後先返工啦!Yeah…… 亞囝都喜愛返學,習慣左校園生活,真係感恩可以煩小樣野! 同埋佢而家夜晚都習慣左會去姐姐房訓, 同用左差唔多個半月時間先肯呀,但係有時間唔中都會唔肯,有時我暗左佢訓先,姐姐再抱去佢間房。 細細既野都準備得8899, 係到時先再洗衫, 買尿相片和奶粉野。 第二胎…真係好似緊張過第一胎, 上次煮到埋來就食啦, 今次好驚好驚呀, 腦入邊浮現番上次陣痛時既場景和痛呀…好恐懼呀..大獲呀!好多人話會生得快d,但係又會痛d, 真是嗎? 送上36週既肥肚

一額汗

我上星期訓左醫院一星期 終於返左屋企休養中呀。

私家產檢@31Week

今日可以見到細細baby
成個月無見啦
不過醫生說都是細碼bb 因為比實際週數細兩週 唉都無計食多又超標 所以都係增吾到磅 到底食咩可以多食又長胎又吾高血糖呀 我都想知呀。
而家31週啦 估計磅數係3磅幾
細細你一定要足月先好出來呀 聽聽話話呀 你有5磅半我都收貨啦
跟住同老公拍拖,去左pokka開餐

不要開心得太早

退步 有時讚既野,真係唔好講得咁快….. 讚左亞囝頭兩個星期返學無喊,點知第3個星期返3小時..即刻唔習慣 第3個星期第一日,係學校賴左vv, 自個日起就話唔鐘意返學啦…… 可能係怕唔熟既人帶佢去vv,所以急都唔出聲….. 賴左 自個日佢就唔鐘意返學,問極佢都係答唔鐘意返學,唔鐘意老師,唔鐘意同學仔 姐姐講比我聽,去到學校門口, 佢就已經喊住拖住佢唔好放手…… 呢幾日都係咁,今日換衫佢見到校服都唔肯著呀,我同姐姐夾手夾腳同佢換衫拖佢出門口…..由出門口喊到上車 其實,我估最大問題就係佢唔識同小朋友玩,因為平時好小同小朋友玩,去到公園我成日鼓勵佢交朋友,佢都唔肯,有次有個小朋友拖下佢,佢都會喊,返到學校見到咁多小朋友一齊,應該最唔適應呢點! 近來皮性又怪怪的, 就是要指定某人做某樣野……..唔熟既人唔可以埋到身, 就算成日見到99,佢都唔鍾意比佢抱,仲叫佢走。老師有日同打電話同我講,有日him him倒瀉左水,整濕左外套,老師同佢換,佢唔肯跟住就喊啦…. 希望亞囝可以快快適應過來啦,最希望可以同小朋友交流交流

Week 30 啦

今個星期進入30週啦,時間好慢長…….我戒口戒得好辛苦呀,常常活在肚餓中呀! 有邊個可憐我呀???出街食真是好易爆標,我試過食譚仔米線,食完行左個半鐘,都成8點,好得人驚呀。我而家食野只可以半飽…打散5餐食,但係都唔飽呀…哭呀我自己都覺得而家進入後期,我既胰島素完全不中用,食唔多散左步都會有6.5度, 之前應該係低d……真是OMG 雖然係咁,我都唔想你咁快出來,驚到時好混亂呀。

 今日返威記覆診,都係例行檢查和見營養師,糖尿姑娘和醫生。暫時都OK,下次唔洗再見見營養師, 糖尿姑娘, 自己KEEP住吉手指,有高先再約見, 產後6星期一定要再做糖水測試,睇下正常番未呀!到目前我重左6.5磅啦,唔知到生會重幾多呢?我估生完之後會勁肥,事關忍口戒口左咁耐。 Bb野完全未買過, 因為衫, bb車, 浴盤, 消毒奶樽機, 尿片墊可用回舊‧ 其實,要買既野應該都唔多, 奶樽, 棉花球, 紗巾, 沖涼洗頭用品等

好煩既囝

今個星期謙b返學返兩個鐘啦,返9點我可以同him b一齊出面口送佢上車,之後我就坐車返工啦!每次見佢等車個樣都好期待,我每日問佢鐘唔鐘意返學,佢都話鐘意,睇來佢都返得幾開心,佢咁快適應到都係我以料之外,因為佢係比較被動同怕羞個類。希望下星期返3個鐘都ok,咁就安落哂啦! 午睡條片,出街vv片都戒左,仲欠屎片 近來亞囝好麻煩,好跟老公咩都要老公做, 例如飲水要指定老公去拿,如果我去拿,佢就會喊,我真係好唔明白。拿玩具要老公幫手,我唔可以幫手,一定指定某人做某樣野,如果唔跟就大喊…唔知點攪呀! 呢幾日都可以叫佢跟姐姐訓熟習下,佢點都肯呀…又係喊…好煩呀!點解我個囝咁煩家

中秋節快樂

呢度食左我篇POST,又要再打過 用唔慣呢度, 攪到唔多想寫BLOG LA! 係公司又用唔到HTML打,出POST所要字都推埋一齊,好難睇呀. 係屋企絕對無時間再打BLOG啦 中秋節正日, 我放早半日 夜晚出左去沙田同99和大伯做節,又係去食上海野, 等位等左成個幾鐘,行住等。 之後, 去左城門河玩燈籠,賞月。99可放埋貓貓狗狗散步,亞囝拿住燈籠行咁走,玩到12點走人, 訓得來都成點鐘啦。 翌日我地去左馬安鞍山公園和室內運動場玩下。 星期六我同朋友出左TST, 同朋友食生日飯 星期日我地去左沙田行宜家,亞囝好鐘意行,次次去到都周圍走,仲周圍攪 我地想買子母床,謙謙係時候要開始過姐姐房個邊訓啦! 睇中左實惠個張, 但係大左小小, 改細就要訂做貴2千, 細左又貴左感覺唔抵呀! 可能買張床舖舖地算, 但係會唔會太好,驚小朋友吸地氣呢?

上學的第一週

今個老公星期帶亞囝返學, 每日一小時! 有老公陪住, 亞囝唔係好驚呀,問佢鐘唔鐘意返學, 佢都話鐘意! 而且, 已經記得有邊3個老師

每日都係學下唱歌,群體活動,食茶點,做下手工 來緊呢個星期就要自己上課一小時啦,唔知可以適應到嗎?

新工人已經來左,做野快手,爽左好多啦,亞囝都無特別唔慣。Good!

產檢@week 26

要寫返細細先得 9月5號去左威記產檢 例行檢查,見營養帥,血糖姑娘,見醫生 我重左4磅 近來血糖度數高左,都有唔小次過左7呀, 姑娘話再係咁捉我入醫院食餐呀 佢話二十幾週都管理到咁,三十幾週時你點算 (週數越後血糖指數應會越高) 唉..咁樣c得啦…..肚餓都唔敢食呀,又口淡淡, 食來食去都係個幾味…嗚嗚好慘呀…點解點解…..無得解…. 我只好再乖d,忍………. 而家”吉’手指等結果既時候,就好似等放榜咁,睇下成績點呀,但係呢個分數就越高就越唔好呀! 9月6號去左私家產檢 成個月無見baby啦!一齊正常,岩週數,跟住就去埋落訂金! 醫生都係叫我注意飲食 我而家lunch食完飯都行半小時, 係夜晚懶左d

開學了

真係用唔慣呢度呀! 唔知點我用唔到撰寫模式,一定要我用HTML格色? 有無人知點解呀? 亞囝今個星期返左兩日迎新日,每次返一個鐘,呢兩日都係老公帶呀。 老公回報: 老師講故事時,唔得專心, 仲企左上張鄧上面。 要一個跟一個排隊既時候,亞囝周圍走,呢樣真係比較小訓練。 要跟家長拖住手,亞仔又係唔比拖,一向都唔肯俾我地拖住,睇來以後都係要監粗來啦! 呢兩日都係睇下學校環境,唱下welcome song,講故事, 做下手作仔,食下茶點,唱goodbye song就完啦! 下星期正式開學, 頭一星期都可以家長陪, 每日一小時! 跟住第二個星期都係每日一小時,無家長陪 如事者,第三星期開始返兩小時, 第四星期就返三小時啦! 咁細人仔就開始留學生捱!

新地方

隨著yahoo blog今年12女尾退步引退,絕不是光榮引退,改革後變得更差,之前都的唔起心肝轉會。今次yahoo blog真是要結業了,真是迫到埋來,唔轉唔得啦! 終於,要開過新blog啦! 不過我都好唔捨得yahoo blog,2006年便開始寫啦! 真是記下拍拖,結婚,置業,生第一個B,到而家有第2個B,真是絕對陪我長大呀! 而且,真是識到不小blog友仔,大家一齊成長。舊既唔去,新既唔來(無奈ing)! 好似比較多人用blogspot咁就試下轉過來啦! 呢度真係新既開始!!!! 但是,真係好驚會唔會用過多幾年後,又要轉新野,年紀大接受唔到啦!哈哈呢度新地方真係要慢慢摸下function先! 想問點樣可以加為好友? 網誌可否加密? 同埋舊blog可以點樣快快做backup? 我旨一篇一篇update過來之後,到時呢度又揩,我咪好唔得閒。