Big Hero

2014年最後一日

我地去睇返場戲, 細佬咁細無預佢啦

哥哥今次第3次去睇戲啦

睇過壞蛋獎門人 

叮噹

今次去睇大英雄聯盟

呢套岩小朋友睇, 亦都岩大朋友

有故事, 有攪笑, 有感動 => 正

Christmas 精華編

偷懶左無寫好耐啦

講返聖誕節先

12月24號

同老公, 奶奶, 大伯亞嫂去食放題

我地去食大喜屋, 之前食過一次, 再ENCORE 

假期晚市$268+10%, 平時晚市好似$228+10%

火車博物館

呢度就係大埔火車博物館

地方吾算好大,有2架舊色火車

不過, 對於火車迷既男仔就一定好夠玩啦!

呢度大大話話都來過5次啦

迪欣湖

今日帶細佬出城呀,平時都係帶哥哥出街

做細真是無咁著數啦

我地唔係去迪迪尼

我地去隔離既迪欣湖郊遊一下查

細佬一歲生日會101213

今日參加左媽媽GROUP攪既一歲生日會

其實,真係好難得得,全部BABY都是同年同月同日出生

而且,發現有好多B囝來, 得幾個B囡

細佬個日比較怕人呀,無見過咁多人

好多時都要抱住呀,放低就喊喊啦

Greyhound Cafe

近來好勤力寫blog

即是係公司好得閒好hea 啦....

寫blog動力返左來呀!

但是我仍然掛住yahoo blog既function!

.

今日是好友生日

去左Festival walk老地方, 今次試Greyhound Cafe

是泰式加西式餐廳

吾洗湊仔,吾洗勞氣,

傾計食野真是好free,食咩都無所謂呀!

叫左個青瓜沙律, 酸酸地好開胃

Christmas all around

呢日去左沙田snoopy land

今日影相出奇合作呀, 好好笑容

抺茶館

對於哥哥來講星期五真是Happy Friday

我放工後就會接他出沙田行下,無咁悶第2日又吾洗返學。

暫時沒有細佬份

而家你就識笑

OH Christmas TREE

以前細個好恨屋企有聖誕樹擺初切

未搬屋前都有棵,不過是綠色又好稀疏咁

今年買左棵光纖聖誕節,仲要紫色

好LIKE A

出疹

細佬希吾知點解突然發燒

燒左差唔多3日!

之前去左studio影相,吾知係咪d衫吾乾淨.....?

影完2日就無端端發燒啦!

食左退燒藥都可以抑制

但係個人好躁,都成日要人抱呀,好扭計。

過左幾日就發現身,背,手,腳有紅點

再睇醫生,醫生話係玫瑰疹,是過濾性病毒,不過有網友話吾似玫瑰疹。

不過,點都好出左3日就自己退哂紅點啦!

而家又再精力充沛^^

一田 shopping

真是好想去sogo, sogo野抵d,不過真是無時間走去個邊

今次一田都只係買左Clinique skincare set

其實,都是Christmas set

就係呢套啦, 都係用開既。

遲下睇下有咩聖誕set抵先。

另外,買左聖誕禮物比囝囝, 未影相都已經拆哂來玩啦!

甜牙牙

今個星期日去左影家庭照, 行程好緊密呀!

影完之後去左tst影下燈飾, 跟住晚上就去飲啦!

其間,我地去左The one甜牙牙食甜品爽下先,排隊排左15分鐘

第一次食甜牙牙,我地點左朱古力窩夫疊層層雪雪堡

Happy BirthDAY TO my frienD

我地去左THE ONE 既

WOOLOOMOOLOO

星期六都有SET LUNCH

細佬11個月大啦

細佬希11個月大啦~

係10個半月時終於識爬爬啦

有時爬到捉吾住,睇牛仔生活又開發啦!

而家會搵野抽自己起身扶住行啦,

有時自己放手,不過就坐底左, 各樣發展都遲左小小啦!

講野就真係未識呀,叫下"呀", "爸, "打" "奶奶" 音,不過都好似係無意識既。

個時哥哥都成歲半先識呀, 呢個細佬可能仲遲啦。

茶木

今日出左旺角睇下家俬,不過無收穫
跟住食個late lunch
yeah!去左茶木, 呢間想試個甜品好耐啦,今日有機會啦!好lucky地居然吾洗排隊呀!
叫左個茄汁粉, 濃濃既茄汁味,不過油左d

HallOWEEN

HALLOWEEN 呢個節日真是越來越興呀

屋苑攪左個Halloween party

有pop corn, 棉花糖, 飲品, 吹氣公仔, 大小朋友都玩得好開心呀

當晚仲有扮野大賽, d costume放哂係度自己配襯

幫him him扮左南瓜仔

你係最cute既嘩鬼呀

Family Gathering

話說我呢個衰女包好小返娘家, 電話都好小到。

之前,婚後都一星期返一次,生左一件後...,

再生多件後就更加....有時掉返轉頭,亞媽走來我屋企。

今日去左大家姐屋企打邊邊,好齊人呀!

公公婆婆抱孫仔孫女最開心呀!

不過個日希希認人,吾比公公婆婆抱,但是,E媽又肯喎。

Move move move

10月16搬屋大吉!

忙著開箱執執執, 執左差否多2星期,

仲有吾夠10箱就執好啦,要快快K.O完佢啦!

哥哥呢個樣古古惑惑咁呀!

10個月大

10個月大,有4隻牙仔啦!

出得慢過哥哥

坐就要成8個月先住得穩,又係慢過哥哥

其實,係我地唔得閒理佢就真，攪到佢樣樣都behind 左。 都係3奶兩弼。

識向後爬，仲未識拉起自己企。 

Home sweet Home

今日收樓啦,可以好快搬返安樂蝸

呢度仲好新正,所以都吾洗點攪, 係得主人房要攪攪佢!

其實,搬屋都係想空間大d,小朋友多點地方走動,可以多個洗手間吾洗爭啦!

但是每個月都會窮左,真是要俾心機返工賺錢先得啦!

應該都沒有財力再搬大d啦,除非中左mark six啦。

希望住左呢度後都一樣順順利利啦。

9個月大

不經不覺細佬佬希已經9個月大啦

踏入9個月既時間,開始出左2只牙仔啦,好得意

食方面,已經食3奶兩粥啦!

開學了

9月1開學了,踏入K1仔生涯!

好彩枚車都經呢邊@

升班了,有3個新老師。Him him開頭都吾慣,話掛住上年既MISS CHAN,不過好快都習慣了。

Happy Birthday to me

真是很久很久沒有update 啦!

之前,租地方住都沒有電腦用,相都過可吾到,攪到無心機寫了,呢d相都係手機影!

我生日緊係要寫blog記低一下先啦,不過已經是8月份既事來啦!

Gathering

我地幾位媽媽都係一早認識既11年3月媽媽,我地去左1位媽媽屋企gathering. 今次無帶細佬來啦!

佢地自己開餐啦, 個個都好快食完,因為要趕住玩啦! 我地媽媽呢邊就慢慢食,慢慢傾,佢有佢地玩,真爽呀!

不過him him就唔乖啦, 玩人地玩具仲整爛左,拿把槍一擲, 把槍分開左兩拆, 要鬧啦, 佢坐左係sofa唔出聲。人地插番好佢,但係都壞左啦!於是,佢又拿起把槍再擲,又一分為二。我都唔知佢咩心態?? 我叫佢講對吾住, 佢硬頸,點都唔肯講…….激c我啦!真是勁唔好意思呀!

忙碌的summer@@搬家

我耐都無update la,,,早前忙於搬家! 晚晚都是執呀,執呀,亞囝未訓就成日攪攪震完全執吾到野,等佢訓左先執所以攪到好夜啦,呢兩個星期到攪到成點先訓!累呀! 仲要搬2次屋。 !
唉….由於技術性問題, 知道既時候真是晴天霹靂, 要即刻去搵樓短租2個月, 真是好難搵,又要帶住兩個細,真是幾咁嬲….旁惶!!!無助!!!! !
!
事緣,我賣出左層樓俾新買家,簽約時傾好左交樓後, 會售後租回給我, 只欠未確實租幾長時間, 1-2 個月不等,佢100%好肯定同我地講你放心, 我一定會租俾你, 7月前預早通知租幾長時間就可以。因為,我地未搵到自己既買盤, 所以未覆實同佢租幾耐,亦沒有定下合約,由為, 佢講到好肯定可以租俾我地家。!
!
就係咁樣賴左野啦,我地搵到樓啦, 但是交吉期比較長, 我地6月中都通知佢, 跟住佢話…….. 講小小前言先, 個買家是買俾亞女住既,亞女自己1個都是租緊人地樓, 佢話亞女租緊既樓, 業主賣出左,唔租比佢啦,所以吾可以租比我地。我地緊係救命啦, 你一個女仔易搵地方, 再唔係搬返你自己屋企住啦, 你1個女仔易搵地方d, 我地成家有大有細,好麻煩呀。!
!
我地苦苦哀求佢……,跟住就有第2個解釋, 就是佢話佢律師吾建議售後租回! 我地估計,怕交吉後層樓就係佢, 如果我地到時租左唔搬走做租霸佢就好麻煩。我地再苦苦哀求佢, 佢話有咩搵佢律師傾, 即是無得傾啦!!!! !
我地寫信提出俾多小小租金佢, 再求下佢,動之以情,同埋建議改成交期,大家都沒有風險。我話你地答應左又唔算數, 口頭承諾都係承諾,無得傾,唔好再攪佢地。真是shit…. !
!
呢個教訓,真是好大呀….有咩都係要寫清楚合約, 吾好咁易信人。!
!
當日睇樓, 你話要埋部洗衣機, 我都好爽咁比左你,好後悔呀,正衰人。!
!
屋企附近又搵吾到短租, 而家搬左去緊鞍山酒店式住宅, 地點唔就腳, 不過無計捱2個月啦! 好在2個小朋友都ok適應。好快又開學啦, 到時要早d起身趕校車。

Day 2 Singapore Trip

成個行程既重點,就是Legoland!
之前,已經在網上WTS Travel預訂左車飛來回星加坡同legoland,一早定好左上車和回程時間。 坐地鐵到Promenade站,行10分鐘就到Singapore Flyer, 上車地點就在Singapore Flyer. 去到食個做餐先, flyer有傳說中既亞坤。

Day 1 Singapore Family Trip

出發啦…..真是好耐好耐好耐好耐沒有去旅行啦,而今次去旅行都要帶埋him him,所以是親子遊呀!

樓下有機場巴士好方便,差唔多9:00到機場check in啦! 

兄弟

講下himhim同細佬既感情先 其實,哥哥都仲係唔多鐘意細佬, 一來哥哥唔識同細佬玩啦,而himhim絕對唔會主睇下細佬,佢仲覺得細佬是來爭寵,而家成日講打細佬前,打細佬後

例子1:
老公放工返來話: 抱下細佬先
Him Him: 唔得, 抱我呀
老公: 抱細佬先啦
Him Him: 喊左出來

例子2:
我湊緊細佬
Him Him: 媽咪唔好湊細佬啦,陪我玩

例子3:
我話: 你再唔食飯, 我唔帶你出街,我帶細佬去
Him Him: 打細佬…(有時佢真係行左過去打佢)

例子4:
當him him好拽既時候,我就讚細佬乖
Him Him: 打細佬

例子5:
細佬係度玩搖鈴
Him him一手拿左去,唔比細佬,但係件玩具佢都唔會有興趣玩

例子6: 有時細佬隻手亂打到我, 佢就好大力捉開細佬隻手

例子7: 我叫佢鍚啖細佬,佢扮聽唔到,走開去

例子8:
我話等細佬大d一齊玩
Him Him: 唔一齊玩

例子9:
我: 兩兄弟影張相啦
Him Him: 吾同細佬影, 影我….跟住就企係前面擋住細佬

例子10: 我抱住細佬係梳化,我話細佬望住你坐車
Him him: 我唔俾細佬望, 跟住走左去啦
例子11: 最慘就係呢個啦
Him him: 我要擲細佬出街
我: 點擲? (我唔應該問呢個問題)
Him him: 做動作…就是抱起細佬向窗口擲
我: 好痛喎,會無左細佬
Him him: 好呀
真是真是激c我啦

我真係唔知點樣哥哥先會錫細佬,同佢解釋過係兄弟來呀,可能大個d,多d互動一齊玩,希望會好小小啦。我好多時都會理左哥哥先,細佬好多時都放左後搖搖椅推下佢就算,做細真是唔著數啦。

細佬既第一口米糊

5月24日
HeiHei而家食同訓都有一個固定既pattern
朝早通常7點半到8點起身,飲第一餐食奶,
之後都小睡1-2小時 12點到就食第2正奶,呢餐通常都會訓2-3小時
跟住下午4點,第3餐奶, 呢餐後就唔多訓覺
跟住就晚8點,第4餐奶,通常到9點半就訓
訓到差唔多12點最後一餐奶啦
5個半月大時heihei試左第一口米糊,不過唔係好識吞希望呢個囝食野叻d啦,咁就唔洗好似哥哥咁煩人呀!
我見好多媽媽都已經俾弼仔亞b食啦, 我呢個懶媽媽都仲未有時間行動呀 遲下仲會搬屋啦,真是忙上加忙呀

係呢個時候,細佬都識得轉身啦!掌聲鼓勵

Cupcake

傻下傻下就做左母親3年啦,今年仲多左隻怪獸! 今日沒有做特別東東,忙忙碌碌又一日啦。
前一日既星期六參加左學校既cupcake製作,都幾好玩
份量幾多? 廚師一早已經量好哂,我地加埋一齊就無失手啦!
　

我地把一隻雞蛋,一碗漿 (學完都唔記得叫咩), 倒落d粉度攪混就是啦 跟住放入ji袋,ji入個糕模度,焗半小時

母親節

今日同媽子提早慶祝母親節今日無帶HIM HIM來,因為有小小燒,所以帶左細佬HEI來。 HIM返左學都成日間唔中病,一個月要睇一次醫生,成日都係傷風鼻塞咳,通常都係鼻水先,跟住就咳啦。同埋佢本身又鼻敏感底,所以都好易賴野,唔知關唔開事呢。

復活節精華

復活節精華 4日假做過咩呢? 第一日帶埋him約左舊同學飲茶,細佬hei就係屋企跟姐姐啦!飲完跟住去左燒錢樂園玩左陣,d錢真係燒得好快,唔鼓勵去咁多,嘻嘻….

Y BLOG Gathering

今日約左BLOG友仔聚下,呢班Y BLOG友真係識左好耐啦, 大家由做女時已經認識啦, 到籌準結婚,到而家個個都生埋B啦,計計埋埋都識左最小7年啦,真係好難得….。Y BLOG摺埋佢地都已經無再寫BLOG啦! 而家blogger我都唔係識好多朋友!

我地都唔係成日見,但係地都交換左FB,知道大家近況。MONEY剛搬新區,所以搵到個機會聚下啦!

希望個個小朋友都開開心心,健健康康啦!

下次有機會再聚啦!

4個月大

食手食到你呀

話咁快就4個月大啦!
BB真是好得意呀(唔扭計既時候) BABY真是好簡單,扮下聲,同佢玩下手仔都笑得好開心!
呢期佢成日起飛腳,兩隻腳向天, 玩到板板聲
近來扭抱左小小,放低就大喊,鐘意垂直抱周圍望下野 食奶可以食到6安多小小

產後檢查

之前懷孕時有妊娠糖後,去健康院做產後檢查,健康院建議要做糖水測試,不過健康院無得做,要出去出面化驗所做。其實都好驚呀,上網睇都有人產後都有人糖尿跟尾,無得食野,,人生邊有樂趣呀! <
><
> 又要抽血, 抽血前12小時唔可以食野, 9點幾去到診所, 抽血和留小便。化驗所姑娘同人抽慣血,所以唔是好痛啦!跟住飲一大杯超甜糖水,真係好大杯..成杯貢茶珍珠奶茶個d杯。跟住唔可以周圍行,乖乖坐係度等,一小時,再抽血和留小便。要再等一小時抽第3次血和留小便,是呀....抽左3次呀…嗚,不過都唔是好痛。 等左一星期有結果啦, 好彩全部都passed,可以放心大食大渴啦! Yeah! <
><
> 之前,壓抑得太耐,呢近勁食朱古力和薯片, 三高食品! 另一個大計要開始,我真是越來越肥啦,睇返以前既相,有點接受唔到自己啦! 其實而家既磅數同產前差唔多,以前諗住生多件就唔理啦,好嚇人家有130磅呀,人生既頂尖。不過,而家都封肚,要諗諗計,我跳左兩星期鄭多燕,每次20分鐘都瘦唔到既,鬼咩..呢期成日食零食,! 之前,試過宇宙減肥法,都真係ok,減過7磅呀!我目標就是減10磅就夠啦!要忍忍口……之前忍左咁耐,又要忍…好辛苦呀…

HIM HIM 3歲大個仔

HIM HIM 3歲大個仔!希望你食多D野啦,你好瘦呀,得個頭面圓圓,個身是排骨。生日前幾日就帶左佢到迪欣湖玩,不過個日天氣不太好,毛毛雨,所以唔係好多人來玩。 我地租左單車踏左一個鐘

 正日沒有特別攪生日會,係屋企切個蛋糕,簡單快樂! 呢個哥哥都好似仲未接受到細佬,可以成日都唔佢。有是HIMHIM唔乖,我就話細佬乖錫細佬,佢就要去打細佬。有日我地行超市,我同佢講細佬成日喊,不如放低細佬係超市我地走,問佢好唔好…..佢話唔好…都好在有D人性。如事者第2次,我地又行超市,老公問佢同一樣問題….居然個答案係咁………… Him him話不如留低埋媽咪照顧細佬…..我是笑好 定 喊好呢? 你個衰仔包,你話生仔呀…..真是十級嬲!

食野依然是煩到嘔….咁大個仔仲唔識自己食飯,仲要餵…真是醜怪到呀!佢一來唔鐘意食野,二來我地大人衰成日就佢…餵佢, 我真係賣佢怕,而家都唔知點收科。佢好唔鐘意食飯, 粉類會好胃口小小。薯條同朱古力就自己識主動食..跟住無其他啦!有人話同佢戒奶啦,咁樣會食留多d野,,,,但係我覺得佢唔肯食野,所以俾奶佢補充一下。
每星期學校都會派一本中文和英文書返來同佢睇….唉叫佢坐定定聽我講真是好難,鬧佢都唔怕你喎…,同埋而家成日都要照顧住細佬同佢講故事,小不了有點分心,….同佢獨處既時間根查沒有可能!
午覺同夜晚既尿片都仲未戒到,訓左就自自然柯左,同埋佢訓覺一向都是馬馬地,有時發開口夢,唔想影響佢咁多,所以都仲未戒到, 午覺就熱多小小就同佢戒埋,之前試過ok,不過又瀨過幾次就放棄左啦!

3個月大啦

話咁快細佬3個月大啦而家佢最鐘意食拳頭,有時除左佢對手套,佢就食到jeep jeep聲,唔俾佢食就大喊原本飲奶都可以飲到6安半,但係後期衰囝扭計玩奶
而家都好規律,4小時一餐,最夜個餐就11:00-12:00點期間餵,跟住到第二朝6-7點起身,中間間唔中都有醒,俾奶咀都可以訓,比之前湊得舒服左好多。 Hei 都算係開心既baby,佢成日要人同佢講野,佢就會回報微笑。當然都有扭計既時候,又唔係片濕,肚餓或想訓,都唔知扭咩野。

朋友仔生日會

今日帶HIM HIM參加朋友仔生日會,在荃灣冒險樂園舉行,真係有得食有得玩,小朋友最開心。
個日星期日得我自己一個帶,老公就係屋企湊細B!

又講下近況先

2 月份Him him轉左坐校車, 每朝送完佢坐校車,我就返工啦,他沒有不習慣,可能男仔都係鍾意玩車仔同坐車。因為,我屋企無支援,所以接放學都是姐姐湊埋細佬落樓接。好在而家天氣開始暖啦,都唔大問題。

食完lunch大仔就午睡,以前姐姐都可以午睡,不過而家無呢支歌仔唱,除非細佬都肯乖乖午睡啦! 以前放左工都可以係樓下shopping下先返家,而家放工都就雞咁腳,好在放5點半公司又近屋企,返到屋企都係6點幾,跟住就接手湊2件,姐姐就煮飯。好在姐姐做野都好快手,當然清潔度不是最好,我都明白既。而8,9點姐姐攪掂哂,9點幾就同him him一齊訓啦

!細佬b就我地自己湊。 而家星期六都會出下去,細佬留係屋企姐姐湊!星期日一定留係屋企,因為姐姐放假,呢日通常都好忙好忙….朝早會到樓下食個早餐,真係趕住食, 大既又坐唔定攪呢樣個樣,細既坐低又扭計,真是好”良背”。午餐買外買,呢排99放星期日夜晚會來煮飯,如果唔係都係食外買啦。

今日講下細佬b先

Hi hi咁多位! 講左咁耐都未介紹細佬叫咩名,叫Hei Hei! Him him 同Hei Hei是唔是好襯呢!

睇返剛出來既樣真係變左好多呀,開頭個樣同哥哥有幾分似,大到1個月度就唔係大似啦! 寫返小小成長記錄先,我怕我唔記得啦,我記性越來越差呀…
第一個月,都係食訓食訓既扭計b,成日要抱, 視線會跟住我既走動轉移,3小時就一次奶奶,飲2安

第二個月,訓既時間已經無咁多啦,同佢講野同玩識得笑,識得講野,係度”ee er er’, 你同佢講一句佢又會回應你,好攪笑,好似傾計交流咁。奶飲3-4安,3.5小時一次, 而家放左係搖搖high chair推下推下唔洗抱咁多啦!夜晚11點半餵最後個次, 5點先再食,無之前咁辛苦啦

回來了

放完產假, 放埋新年假, 今日上班了,細b剛好是兩個月大啦! 之前係屋企湊兩件真是好忙….所以都沒有時間寫blog,返到公司反而有小小私人時間!老闆睇到肯定想抄我啦,哈哈! 講下坐月, 好在請左個ee幫手煮早,午飯,煲下湯水,,吾係都攪唔掂我既飲食呀!姐姐唔會識煮,又要湊大既返學放學。我日日都用薑水沖身,個頭10日就忍唔住洗左,因成真係好痕好多頭皮好油好辛苦,仲油到好似出水咁,唔洗唔得。坐月我都係出過一次街,就是覆診。剛好坐月滿一個月,就是我同老公結婚5週年,到樓下食西餐慶祝!坐月期間,我負責湊細,姐姐湊大既。 先回憶下細b既成長先,頭個兩個星期都幾好湊呀,食飽就訓,訓飽就食。兩個星期開始清醒啦, 所以都幾扭計,成日要抱要有安全感, 3個鐘就食一次奶,夜奶就老公負責, 同埋頭個月我發現佢既視線會跟住我行,飲奶都是2-3安 細b而家兩個月啦,細b已經識食笑,同人玩咁呀,我同佢講野, 佢回答我”ee er er”,好似傾計咁, 哥哥個時都未識呀! 飲奶都是4-5安!

2014

又一年啦
今天最大既盛事當然是生左細佬b
希望himb 快d接受到細佬
細佬第一日返到屋企 就俾Himb
打左下面 而家問佢錫吾錫細佬 佢都話吾錫 仲話要打細佬
有時細佬訓左 我帶佢見下細佬 叫佢細聲 佢就大叫
叫佢細細力摸下細佬腳 佢就攪面攪頭 有時好大力撞埋來
始終himb 細都吾識就力 所以都盡量隔開下
等時間過慢慢第佢接受啦
呢期himb都好吾聽話 成日講反話
叫佢做東 佢就做西
叫佢乖 佢話做吾乖
問好吾好 就答吾好
教佢又吾聽我講 一時訓左係地
好trouble
湊兩件真是煩好多，，，

2014都係寄望一家身體健康 平平安安